بحبك يا ريس!

بحبك يا ريس
دا انت رئيس والله كويس
مهنينا ومدلعنا
وعمره ما بعنا
ومن كتر الاكل مشبعنا
والميا جميلة ونضيفة
مش محتاجة لا صابونة ولا ليفة
اكل وراحة طول الاسبوع
وما حدش بيموت من الجوع
والشوارع نضيفة والشعب نسى الزبالة
والشباب شغالين يعنى مافيش بطالة
والناس مع بعض رجالة
ومفيش خناقات ولا زحمة فى الافران
والرغيف ابيض وجميل ومليان
احنا شعبك وتحت امرك
وبندعيلك ربنا يطول فى عمرك
دانت لسة فى عز شبابك
ويقربلك كل احبابك
ولا يدق عزول على بابك
وما نشوفك ابدا عيان
ولا عندك سل ولا سرطان
داانت مخلى الهوا بالمجان
وبتجرى علينا زى الرهوان
احنا عارفين انت زهقت من التعب
والشعب اللى عليه العتب
احنا اللى ملينا الهوا دخان
واحنا اللى خلينا اللى أخد شهادة جعان
واحنا اللى أتعاملنا مع الامريكان
وأكتر من كدة احنا اللى خلناك زعلان
يا شيخ اشوفك فى صندوق من دهب
وجمبك واحد بيقرا قرآن